Loksins, loksins!

Jæja, ætli sé ekki best að blogga aðeins, segja frá því hvað við höfum verið að gera síðan síðast. Við Þóra erum byrjuð í dönsku í Studieskolen. Gengur það mjög vel og erum við strax orðin öruggari að blaðra á dönskunni. Það er ótrúlegt hvað maður er lélegur að tala og skilja dönsku. Frekar léleg meðmæli með dönskukennslunni heima, ég var einn af þessum vitleysingum sem hafði gaman að því að læra dönsku og skildi aldrei hvað menn voru að kvarta!

Sigurgeir kom í heimsókn frá Svíþjóð, fór reyndar fyrst í heimsókn til Íslands og kom hér við í bakaleiðinni. Því miður fór ansi mikil tími í að blóta Bakkus, held að ég sé að verða argasti bindindismaður, er kominn með óþol gagnvart drykkju og dópi. Ef fólk er bara að hugsa um að drekka getur það bara gert það einhvers staðar annars staðar en heima hjá mér.

Við keyptum bedda og getum tekið á móti gestum! Eða allavega gesti.

Ég er byrjaður í kúrsum í KU, og kominn með mentor, strákur sem hjálpar mér að rata í skólanum. Á reyndar efir að hitta hann en það getur komið sér vel og sparað tíma að fá leiðsögn um deildina.

Þóra fer í annað viðtalið í Krossfiskaleikskólann hérna rétt hjá, er búinn að tala við yfirmanninn og hittir deildarstjóra á morgun. Þeir taka sinn tíma í þetta danirnir en vonadi gengur þetta eftir og hún byrji að vinna um mánaðarmótin.

Ég náði mér í kvefpest, er hálf slappur. Hnerra og hósta og er með einhverjar kommur. Nenni þessu ekki! Skiptir mestu að komast í tíma á fimmtudaginn. Ég er líka byrjaður í ljósum sem virka vel á mig, út af exeminu. Þarf að hjóla upp í Bispebjerg sem er tæpur klukkutími aðra leiðina þannig að ég er að brenna ágætlega þessa dagana!

Sæl að sinni

BMX KEX

Á laugardaginn fórum við Ingvi í Skateparkið sem er nálagt Nørrebro. Það var soltið blautt og pollar hér og þar en það var bara gaman og er þetta vídíó með nýja teaminu BMX KEX. Í þessu nýja teami eru Kári Brynjólfsson og Ingvi Brynjólfsson. Það eina sem þarf til að vera með í þassu teami er að vera Íslendingur sem á heima í Danmörku og hafa brennandi áhuga á BMX og hjólreiðum yfir höfuð

.

Á sunnudaginn vaknaði ég og mætti á æfingu hja Amagercyklering en á leðinni á æfingu var ég tekinn af löggunni fyrir að fara yfir á rauðu ljósi en það geri ég aldrei en það var sunnudagur og klukkan ekki orðinn 9, hver er vaknaður þá! En hún sagði mér bar að gera þetta ekki aftur og það væri stór hættulegt að fara yfir á rauðu ljósi!

Það var fullt að fólki mætt á æfingu og ég hjólaði með hraðari hóp sem hjólaði á fínum hraða, það voru sirka 10-15 manns í þessu hóp og við hjóluðum 101.6 km. Á 27,8 km meðalhraða og tók það 03:58min, ég talaði mest við klúbbmekkan en það er ekki sjálfgefið að danir tali ensku, allan tíman vorum við í tvöfaldri röð og skiftu reglulega á að kljúfa vindinn. Þegar heim var komið fór ég í heita sturtu og lagði mig fyrir framan sjónvarpið.

Seinasta sunnudag 5.janúar kefri ég í Slush cup og að þessu sinni var keppt í svokallaðri URBAN keppni og var haldin í Kødbyen og var að hluta til inni. Þessi braut var mjög skemmtileg þrátt fyrir að hafa verið flöt, á malbiki og með um 370 keppendum, þeir voru búnir að setja margar þrautir inná brautina, niður stiga og inni í bilastæðahúsi . Ég áhvað að byrja bara rólega og halda mínu sæti byrjaði framarlega í 3 holli, fyrstu hringina var ég bara einn en svo lenti ég í hópi með 5 -6 mans og við héldum góðun hraða á seinust hringunum, var bara ég og 1 annar gaur eftir í þessum hópi og hafði hann betur í lokinn. Í heildina fannst mer þetta bara ganga vel, sérstaklega miðað við að ég hef ekki verið að æfa nóu vel, ég endaði í 58. sæti og stefni á betra sæti í næsta móti sem er um næstu helgi.

Það var sagt frá þessu móti í TV2 Spotr og það er hægt að sjá það hér

og myndir hér og hér

X-Hall

Ég og Ingvi fótum í X-hall um daginn og við tók okkur svona klukkutíma að finna það en það var gaman þegar við loksins fundum það, allavegana langaði að prufa að setja vídíó á siðuna þetta vídíó er af mér og ingva að hjóla

Nýtt ár

Dagurinn byrjaði ekki snemma en pabbi byrjaði að elda um hádegi og var að því til um sex en það sem var á matseðlinum voru nokkrir flamberaðir humrar og hörpudiskar í forét sem voru soðnir í hvítlaukssmjöri í aðalrétt var svo eitt stikki önd með kínverskum stíl og borinn fram í pönnuköku með plómusósu og í eftirrétt voru nýbakaðar bránís með ís.

Þegar maturinn var búinn hlustuðum við á tónlist og biðum eftir skaupinu sem við horfðum á á netinu og fannst það bara fínt og í fyndnara lagi.

Eftir skaupið fórum við eins og allir að sprengja og ef þið haldið að Danir sprengi ekki þá hafið þið rangt fyrir ykkur, það var allt brjálað og ekki minna en heima. Svo enduðum við nóttina á því að horfa á Pulp Fiction.

Svo vöknðum við Ingvi um fjögurleitið á Nýársdag það var lítið gert þann dag enda í styttra lagi.