Nýtt Hjól

Var að fá mér nýtt hjól á fimmtudaginn eða nýt stell, skifta og stýri, svo er ég loksins búinn að fá tune sveifasettið mitt frá Markinu. Ég mætti snemma á föstudaginn til að hafa tíma til að setja hjólið saman og það fór allt saman eins og í sögu, meira að segja framskiftirinn og sætisstamminn!!! Ég fór svo á hjólinu á æfingu í morgum og það frábært að hjóla á því, það er mjög stíft og svarar vel sérstaklega með fasta gafflinum (ekki dempari að framan). Ég á eftir að vigta það en stellið sjálft er 1200gr og held að hjólið sé um 9 kg. Svo er ég fyrstur að fá þetta stell í Evropu!!!! Toppaðu það ! þetta er 2009 árgerð!

Rammi: BIANCHI Oetzi Carbon 2009

Nöf: Tune mtb

Hringir: Sun Rims DS1-XC

Sveifaset: Tune

Gaffall: Force rc31Carbon/magnesium

Bremsur: Formula Oro Puro

Skifrar: Sram X.0 Twister

Afrurskifrir: Sram X.0

Framskifri: Gamli Simano XT

Stíri: Truvativ XC-Flatbar

Stírstami: Scott(langar í Tomsons)

Sætisstami: Thomson Elite

Fleiri Myndir

Fjölskylduinnrásin mikla

 

Á morgun kemur fyrsta fylking fjölskylduinnrásarinnar, Amma Vala og Hulda í fylkingarbroddi og Jóhanna og Lotta þar á eftir með þeirra liðsmönnum. Á föstudag kemur Ingvi Afi, og loks bakvarðasveitin, Bjössi og Addy og Helga. Hápunktur helgarinnar er manndómsvígsla Ingva yngri, hann verður fermdur á sunnudaginn. Annars erum við fjölskyldan hér á Kastrupvej guðs lifandi fegin að fá einhverja nýja einstaklinga til að spjalla við, höfum verið einum of mikið með okkur sjálfum þennan veturinn!

Það rifjast upp gamlar mai minningar hjá mér þessa dagana, er að böglast við verkefnaskil í skólanum og á hangandi yfir mér tvær ritgerðir sem ég á að skila í lok mánaðarins! Sólin hefur nefnilega verið að steikja okkur síðustu daga og vikur og ætlar ekkert að hætta því næstu daga, frekar að skrúfa upp hitann.

Hlakka mikið til að fá alla gestina, helst að slaka á útí garði eða niðrá strönd en ætli verði ekki farið á þessa klassísku staði, Tívolí og dýragarðinn og allt það.

ps. ef þið smellið á myndina þá takið þið eflaust eftir að Þóra er að fela sígarettuna en hún sést í glugganum, TEKIN!

Sól á sunnudegi

 

Erum búin að vera mikið úti í sólinni í dag, fórum á ströndina eftir hádegi, vorum búin að vera dugleg að þrífa, herbergið hans Ingva tekið í gegn. Fórum niðrá strönd og lágum þar, óðum í sjónum en hann er enn mjög kaldur. Erum búin að kaupa stóla og borð á svalirnar, kemur það vel út, tekur ekki of mikið pláss. Fengum okkur líka rauða rós á fína bekkinn. Spáin fyrir hvítasunnuna er að breytast, nú á ekki lengur að rigna!


Veðurspá

Hjólatúr

 

Við Þóra fórum í hjólatúr í morgun, ætluðum að skoða almenningsgarð hjá flugvellinum en hann var nú ekki merkilegri en það að við tókum ekki eftir honum þrátt fyrir að hafa hjólað framhjá. En það var margt að skoða, fórum allaleið að Fields sem er úti á vestur-Amager, risakringla.

Fórum inn í sumarbústaðaþyrpingu og fengum okkur bakkelsi, þetta verður heitur dagur í dag, strax komið yfir 15 gráðurnar!

Ætli við förum ekki í það að taka til fyrir ferminguna, erum frekar afslöppuð í þessum undirbúningi!

 

Við hjónin fengum okkur göngutúr í morgun í þokunni, Þóra er í fríi í dag, hefur eitthvað með það að gera að gærdagurinn var tvöfaldur frídagur, eða þannig. Fórum inn í sumarbústaðaþorp sem er hér rétt hjá okkur, lítil og þétt byggð af sætum sumarbústöðum, líkast til ekki meira en 30 fm hús og eitthvað svipað stór lóð. Þar rétt hjá sáum við lambalæri hangandi í tré, vonandi sést það á myndinni sem fylgir en hún var tekin á símann minn. Ákváðum að þar byggi færeyingur! Þið getið smellt á myndina til þess að stækka hana.

Það hefur rignt allsvakalega í dag, ekta demba. Það á því miður að vera rigning um næstu helgi, hvítasunnuna, en þá fáum við fjölskylduna mína í heimsókn og náttúrulega þá sem við þekkjum hér, í ferminguna hans Ingva. Það á að stytta upp á hvítasunnudag, vonandi getum við grillað í garðinum! Þetta getur síðan allt saman breyst.

Það er komið sumar!

Jæja, þá getur maður hætt öllum bölmóði um kalt vor, hætt að bíða eftir sumrinu, það er mætt á svæðið. Við fögnuðum sumarkomunni með grillveislu hjá Helga og Birnu. Ég keypti kalkúnabringur, skar niður í gúllas og lagði í kryddlög. Var frekar skeptískur á kalkúninn en hann olli okkur ekki vonbrigðum, bragðgóður og meir. Ég fer líka ekki ofan af því að það sé betra að grilla á kolagrilli! Við sátum útí í porti hjá Helga, Marta kom líka þannig að þetta var ágætis hópur sem sat og sötraði rauðvín og bjór og bragðaði á grillmat. Verð að viðurkenna það að ég fór yfir strikið í drykkjunni, en er búinn að setja mér ansi stranga drykkjusiði þannig að ekki var um neina skandala að ræða. Var frekar latur í gær.

Fengum fyrstu heimsókn sumarsins í gær, Ingi og Vilma komu í hádegis nasl, gengum síðan niðrá strönd, það var 18 gráðu hiti, mistur yfir, sólin remdist við að skýna í gegn og þegar henni heppnaðist það hitnaði strax verulega. Sátum á svölunum seinnipartinn, þar mældist 28 gráðu hiti á kjöthitamælinum, og í litlum skugga! Spáin út vikuna hljóðar upp á 17-18 gráður og sól, en það á reyndar að draga fyrir og rigna einhverja daga eða hluta úr degi.

Hlakka ofboðslega mikið að fá fjölskylduna í heimsókn í ferminguna hans Ingva, vonandi getum við staðið við áætlunina um að grilla út í garði í rólegheitum og njóta góða veðursins.